قمري لو تشوفه اي شمس تغير
اعيشله طول عمري وامشيله بالمشاوير
ومستحيل انساه ولو غاب عني كتير
ما اصله ساكن في قلبي وشاغلني بالتفكير
دا في لحظة لو جه في بالي اشم ريحة عبير
وألقاه قصادي في السما بدون تأخير
قمري لو تشوفه اى شمس تغير
حواليه النجوم في الليل معاه واقفين
ومين يبصلهم ويسيب القمر ..مساكين
وهو من رقته بيسيبهم يعيشوا يومين
ويستحي يظهر كل يوم للعين
لكنه عارف انه لما يعود هيلقانا منتظرين
وازاى يطل علينا القمر وزيه مفيش اتنين
واحنا إللى بنستناه ونتمناه نكون ناسيين
!!!!
قمري لو تشوفه اى شمس تغير
قمري في السما عالي وأزاى تطوله الإيد
وغصب عني وعنه انه عني بعيد
مقدرش أسلم عليه ولا ابعتله كلمة في بريد
بحلم ابدأ معاه حياه وعمر جديد
ولا شئ يمنعني عنه ولو قيود من حديد
وكله بأمر الله ..عمري ما كنت عنيد
لكن عليا العمل وربي عليه التسديد
12 comments:
السلام عليكم
ياااه مصدفتش بعد الغيبه الطويله دى إن حضرتك كتبت بوست جديد
عوداً حميداً :)
--------
جميله أوى بجد
ربنا يكرمك
كلمات جميلة
زهرة الأمل
ربنا يكرمك يارب
وكويس ان حضرتك لسة فاكراني
h
مممممممم
بس كدة!!
طب إيه رأيك بقي انها مش كلمات جميلة ولا حاجة
:P
اصل انت مشوفتش القمر زي ما انا شايفه
الكلمات دي مقدرتش توصفه
هي محاولة بس
عموما يا عم شكرا على كلامك وانك رفعت من روحي المعنوية :)
معلش هما الكلمتين دول اللي طلعوا بجد
كلمات غاية في الروعة و فيها معاني
كثيرة لمن يفهمها
وانا طبعا متخيلة الجو اللي انت كنت عايشه
قاعد في البلكونة مع كوباية شاي وليلة الخميس كانت ليلة 14 في الشهر والقمر كان بدر طبعا اكيد المنظر كان جميل اوي
مممم
ايوة هو فعلا الجو كان جميل
القمر بدر وكوباية شاي وهدوء وكل حاجة
مكنش ينفع مكتبش
مش عارف اقول إيه ...
بس عايز اقولك اني بقالي 40 دقيقة عمال اكتب وامسح مش عارف اكتب إيه
مااااااااااااشي
انا قولت أعدى كدة اشوف ايه الأخبار
ماشاء الله جميله جداً وكلماتها سهلة وليها نغم فى القراءة سبحان الله...
بتكتب حلو والله..أبشر يا فتى لك مستقبل هاااايل فى الشعر،عندى اللى يلحن...تبيع؟
:D :D
ماتنسناش فى الدعاء
اهلا اهلا اهلا
حضرتك منورة والله
ربنا يكرمك على كلامك الجميل دة
مكدبش عليكي فكرت في الموضوع دة
اني اكتب وابيع واسترزق
مش لأن شعري حلو والله ولا حاجة
ولكن لأني بحس انها سهلة اوي ان اى حد يكتب (شعر الأغنية) دة
لو كتبتى اغنية قدامك كدة هتلاقي ان فيها ييجي 5 او 6 قوافي مش قافية واحدة وكلام بسيييييييييييط جدا
بس مش برتاح للموضوع اوي لأني هضطر اكتب اغاني من إللى ماشية اليومين دول علشان تتباع
وهنشغل قوي
فقلت لأ خليني في المحاسبة شغلتى وخلاااااص
ربنا يكرمك
وهدعيلك طبعا
وليه تضطر تكتب اسلوب من الماشى اليومين دول بالعكس...
مداحين سيدنا النبى محتاجينلك ومستنيين مساعدتك ..والمداحين كتير سواء فرق شعبية او فرق مودرن شويه زى فرقة المولوية مثلاً وغيرهم
وفيه أغانى هادفة ممكن تكتبها مش شرط تتبع الخطأ لمجرد إنه ماشى ومطلوب ممكن احنا نكسر القاعدة
وأهو يا سيدى تبقى هواية استرزقت منها..بس أنا بعون الله كدة ليا نسبة
:D :D
ههههههههه
ماشي يا ستى يبقي ليكي نسبة في الثواب لأني مش هاخد فلوس
مينفعش طالما مدائح
لكن صعب يا حفيدة الزبير المدائح صعبة قوي ومش اى حد يكتب
انتى اكيد فاهمة يفضل يكون في تجربة وإللى بيكتب دة يكون يعنى واصل
انا ضايع خالص
وكلامي بيكون سطحي قوي
على قدي
علشان كدة مينفعش
انتى ادعيلي بس ربنا يفتح عليا من فضله واقدر اكتب دة شرف ليا طبعا
بصراحة حضرتك بتديني اكتر من حقي وبتحطيني في مكانة انا مش قدها
لكن منايا اوصل لها
--------------
اغاني هادفة!!
اغاني وطنية مثلا !!
ممكن ولو اني مبحبهاش
هو اهم حاجة ان يكون جواكي حاجة عايزة تقوليها
بتقوليها بالكلام العادي او بالشعر مش مشكلة
زي البوست دة
كان احساس جوايا
ممكن اكتبه موضوع نثر وممكن اكتبه زجل او شعر
يعنى بظروفها
لو الموضوع اشتغل اكيد ليكي نسبة كبيرة من الإيراد على كل قصيدة
:)))
ماشاء الله جميلة جدا واسلوب حضرتك جميل ورائع واحساسك عالى
ربنا يديم عليك نعمة التامل والموهبة الجميلة دى
اهلا يا كوكيتا
منورة حضرتك
وربنا يكرمك على الكلام الجميل دة
وزي ما حضرتك لما عجبك كلامي حبيتى تقولي دة
انا كمان لما شفت القمر مقدرتش مقولش الكلام دة
وكان لازم اعبر عن اعجابي بيه
ربنا يكرمك
تحياتى ليكي
Post a Comment