عايز اوعدك
اصلك انتي
مهما روحتي ومهما غيبتي
قلبي ما يقدر يبعدك
نفسي اوعدك
اني ما كون لحد غير ليكي
واني افكر بس فيكي
واني لو في يوم حلمت...
ميكونش حلمي إلا بيكي
عايز اوعدك
ويبقاش قدامي غير وعدي
دين ويوم ما اوفيه يكون سعدي
ولو اموت روحي تتمه من بعدي
عايز اوعدك
عايز وعدك يقيدني
اكون حر جواه ...
وانا جواه بيحبسني
وعدي يكون انه يملكني
ويأسرني
ويسحرني
ولو عايز يطمني ؟
براحة باله يوعدني...
اصلك انتي
مهما روحتي ومهما غيبتي
قلبي ما يقدر يبعدك
نفسي اوعدك
اني ما كون لحد غير ليكي
واني افكر بس فيكي
واني لو في يوم حلمت...
ميكونش حلمي إلا بيكي
عايز اوعدك
ويبقاش قدامي غير وعدي
دين ويوم ما اوفيه يكون سعدي
ولو اموت روحي تتمه من بعدي
عايز اوعدك
عايز وعدك يقيدني
اكون حر جواه ...
وانا جواه بيحبسني
وعدي يكون انه يملكني
ويأسرني
ويسحرني
ولو عايز يطمني ؟
براحة باله يوعدني...
10 comments:
السلام عليكم
اخبارك ايه .. ومختفى بقالك فترة كبيرة ليه ؟
عامة عوداً حميداً ..
وشوف كده لو عايز توعدني انا كمان بحاجة .. انا تحت امرك
وكل عام وانت بخير بمناسبة قرب ذكري ميلادك
صح ؟
مش قولت لك شاعر
بجد جميل قوي
ياسر
---
منور والله
والله كان في ظروف شغل ودراسة كانت معطلاني وكدة
ولسة والله مشغول
بس حسيت اني عايز اكتب
فرجعت اكتب
وكل سنة وانت طيب انت كمان ياباشا
بس فين الهدية :D ?
عموما لسة قدامك وقت :)))
اوعدك بقي اني هاخد الهدية إللى هتجيبهالي :))
هبة
----
والله بنحاول يا هبة
ربنا يكرمك على زيارتك دي يارب ميحرمنيش منها ابدا
وانتي كمان عليكي هدية
مع اني عمري في الحقيقة 3 شهور
هتمهم يوم 16 يونيو
عموما هاتيها في اى وقت طول شهر يونيو
ملكيش حجة :)))
منورة
يا مرحبا...:)
ايحانا الواحد بيقر مقطوعات او رباعيات او او بيحس انها مبتذلة
بس فعلا والله بحس في احيانا كتيرة في بوستات لحضرتك يا فندم انها نادرة و جاامدة فعلا
عامة عودا احمدا يا استاذ سليم وان شاء الله تفضى لشوية بوستات عشان تتحفنا
منور البلوجة على فكرة...:D
صحيح...مبروك على الصورة الجديدة
شبه السبحة برده...حلوة يعني
يااااااااه
ازيك يا اخت روما
انا والله كنت بفتكرك تركتى المدونة القديمة المهجورة دي لما ملقيتش موضوعات جديدة
بس كويس انك لسة معانا في عالم التدوين
ربنا يكرمك على ذوقك دة
ودة مما افاض منكم علينا يا فندم
والصورة فعلا هي شبة السبحة
انا اصلا مش حاسس والله اني غيرتها
كويس انك فكرتيني :D
اسعدني مرورك يا فندم :)))
الله يقرب البعيييييد
فين الموضوعات الجديدة .. ؟؟
شكرا على الموضوع
Post a Comment