بقالي فترة عايز اكتب شعر وكمان ناس طلبت مني اكتب
بس مش عارف اكتب فى إيه ...
ودي اصلا تعتبر مشكلتي الدائمة
اني مفيش في بالي حاجة اكتب عنها
مفيش حاجة كتيرة جوايا عايز اقولها
اكيد جوايا حاجات بس مش في دماغي اني اقولها ولا محتاج اني اقولها
ودة إللى مخلينى بكتب بيت الشعر بالعافية
دة غير ان مفيش موهبة اصلا
دا انا واخدها بلطجة كدة وعافية
حتى اضايقت انى مش عارف اكتب فى إيه فحلفت انى اكتب (حالا) شعر فى كل الأغراض الشعرية
عافية كدة
والنتيجة كانت :
الغزل
احبك دون إجادة الغزل والكلمات ... ولست قيسا لأنسج عشقك بالقوافي
يخرج الحب من السن واقلام الشعراء ... فما ظنك بمن حبه فى القلب باقي
الفخر
مكارم أخلاقٌ ما انكرها احدٌ رآني ... مدحوها وقد عجزوا انا يكونوا مثالي
لو كان سهل ان تسمو الأخلاقُ ... لبرز غيري واحتل عرش سمائي
العتاب
آثار جرحك فى القلوب عِظامُ ... ويقين لك بقدرك في فؤادي
أتعادي من كان منك قريبُ! ... وتقابل بإساءتك إحساني!
الرثاء
رحلت عنا وجاء غيرك قائدا ... واقتحم نسيانك البلاد ولم يأت داري
لو كل راحل تذكر الناس عيوبه ... بقيت الفضائل لك فى ذكرياتي
جهاد النفس
جهاد النفس وصية ابائي واجدادي .. رسول الله والشافعي والبوصيري
فارق ما تشتهيه وابعد عن الناس ... وتمالك الغضب وإن فقدت كل غالي
الحكم
إذا فهمت من اليهود طباعهم ... ورأيت منهم ما ادامك باكي
من الغباء ان تصير مثيلهم ... وتظن ان الخبرة تجعلك كالأفاعي
وكفاية كدة علشان متزهقوش مني...
صحيح : الصورة إللى فوق دي انا إللى راسمها
وبس
39 comments:
يا سلام احلى حاجه فى البوست انه قصير
والابيات حلوه قوى واحلى حاجه فيها انها بيتين لكل حاجه يعنى فى السريع كده
والصوره دى انت اللى راسمها ... حلوه جدا وبسيطه جدا
ده انت طلعت فنان بصحيح
حراس الحقيقه
الله يكرمك يا ياسمين
كلامك رفع روحي المعنوية
وشرفتي البوست بإبتداء التعليقات :)
شكرا لكلامك وفى انتظار التعليق الحقيقى :)
تماااام
ابيات جميله
بس نصيحة
من الشاعرة الصغيره
ههههههههه
بلاش تاخدها عفية :))
او بلاش تاخدها عافيه في كل الاغراض
يعني لو كنت ركزت علي غرض واحد كان هيبقي احسن عشان لو بتكتب بيت مثلا وكلمة جت ف بالك وقلت مش هتنفع ممكن تستخدمها ف البيت اللي بعده وهكذا
يو اندراستاند؟ :D:D
:)) بسس كداا
ايه ده براحه أنا خلصت البوست وحاسه انى بنهج
اكتب لما تحس انك عايز تكتب مش لماالناس تطلب
بس بجد كلامك جميل حتى لوكان فى السريع كده
أما الصوره فجامده موت فكرتنى برسمى وانا فى ثالثه ابتدائى ههه
بسيطه وطفوليه قوى
أحييك
لاء مش بس
انا مررتلك تاج
غلاسه مش اكتر
ممممممم
كده بقى يبقى بس
سلام
سليم هو انت اللى كاتب الابيت دى بجد ؟؟؟
اصل بصراحه لما ركزت فى الكلام لقيته جامد موووت خصوصا بتاع الرثاء
عجبنى جدا
وايه الصوره دى :D
يعنى الشعر تقول عنتر بن شداد هو اللى كاتبه
والصوره ميدو اللى فى سنه تلته ابتدائى هو اللى راسمها
طب ازااااااى ؟؟
بهزر متخدش كلامى جد
الصوره حلوه
ازيك يا سليم
كلامك جميل
اكتر حاجة حسيتها او حسيت بأن فيها احساس عالي
هي العتاب والرثاء والحكم
براحة على نفسك شوية
واكتب اللي بتحس بية علشان يدخل قلبنا على طول ومش بالعافية
تحياتي
ضحكت اوى لما قريت المقدمه
:D
البلطجه والعافيه دول هم اللى هينموا حبك للشعر
انت كده بتحاول تنمى مهاراتك وتكتسب خبره فى الحاجه اللى بتحبها
اصل هوايه بدون ( بلطجه) مش هتنفع
ومش هيبقى ليها لازمه وعمرها ما هتتنّمى وتكبر
:D
والشعراء الجامدين موصلوش للى همه فيه ده غير بالبلطجه واصرارهم على المحاوله
المهم
ان الاسلوب والكلمات جامده جداً
مش كلمات واحد مقرر يكتبه دلوقتى يعنى
ده الناس بتعد بالشهور تحاول تكتب بيت
من الابيات دى وبالاسلوب ده
جهاد النفس##
وصية ابائي واجدادي رسول الله والشافعي والبوصيري
فارق ما تشتهيه وابعد عن الناس ... ##وتمالك الغضب وإن فقدت كل غالى
جميله الابيات دى اوى
احييك على حسن اختيارك للشخصيات
منورين الابيات صراحةً
بس ناقصلها حاجه صغيره اوى
القافيه عايزه تتظبط شويه
وياريت لو تكمل الابيات دى
بالنسبه للصوره جميله جداً
فكرتنى بالرسم بالرمل بتاع زمان
صلي علي النبي يعم
ايه دا ما انت حلو اهو
!! وكمان رسام
صدقني هاتتحسد .. العين يبني
جميل جدا يا سليم
وربنااااااا يوفقك
يا جامد يا جامد يا سليم
يعنى شعر وفى كل الانواع وكمان رسم لالالا كدا كتير علينا
لا بجد جميل جدا
السلام عليكم ورحمة الله وبركاته
والله هو انا كان نفسى اكون بحب الشعر وبعرف فيه
عشان اقولك اذا كان البوست حلو ولا لا
بس انا مفتكرش انه وحش يعنى لان كل موضوعاتك جميله
اه ومن قال لا اعلم فقد افتى
يا ريت الموضوع الى جاى ميبقاش شعر
الزهراء
-------
اهلا يا زهراء
منورة
فعلا نصيحتك ممكن تكون حقيقية
وانا بعمل بيها كتير
بس لو هفضل اعمل بيها يبقى مش هكتب حاجة عمري
لأني اصلا نادرا ما ببقى عندي اللى اقوله فى الشعر
هو انا طبعا علشان كنت متغاظ من نفسي فكتبت فى كل حاجة
بس مش هتتكرر إن شاء الله :)
شيماء
-----
هههه
الواحد برضه لازم يكون من الشعب وللشعب
شكرا على إطرائك
الصورة هي طفولية فعلا :D
بس هي على فكرة مرسومة على الجهاز ببرنامج الرسام
paint
فعلشان مرسومة بالماوس فمفيش انسيابية فى الخطوط قوي زي الرسم العادي
شرف ليا انى رسمي زي رسمك
حتى لو وانتى فى تالتة ابتدائي :))
وشكرا يا ستى على التاجات إللى مغرقاني بيها
تتردلك فى الأفراح إن شاء الله :)
ياسمين
-----
انتى دايما بتشجعينى فى الشعر بالذات لو فاكرة
ربنا يكرمك
ولو ان اسلوبك بيغيظني شوية ..بس ماشي
وبتاع الرثاء ... انتى عارفة دة رثاء مين ؟
هبقى اقولك على جنب كدة :)
بس فكرينى لو سمحتى اقولك
اللوحة بقى
هي على اترسمك على الجهاز ب paint
برنامج الرسام إللى فى الويندوس
بالماوس زي ما قلت لشيماء
فمختلف شوية عن الرسم العادي
مش هحكيلك بقى على الرسم العادي بتاعي :P
عموما شكرا ..كلك زوق :))
مدام شاهي
اهلا اهلا
انتى بتنوري اى مدونة تزوريها
وخصوصا مدونتى :)
شكرا على كلامك الجميل دة
وإن شاء الله المرة الجاية يكون شعر بظروفها كدة مش بالعافية :D
ويوصل للقلب :)
تحياتى ليكي
فتاة الزبير
--------
اهلا بيكي
منورة جدا
اصل انتى بصراحة مش بتيجي كتير :)
حلو كلامك
حسيت اني صح فى كل اللى عملته فعلا
المرة دي بالعافية واللى بعدها بيتين بالبلطجة والمرة اللى بعدهم الموضوع يبقى اسهل والكلام ييجي لوحده بعد كدة
كلام واقعة جدا
بس الواحد بيستسهل ويكتب موضوعات عادية وخلاص
عندي منها كتير :D
---
ومعاكي حق البيتين فىيهم حاجة كدة مش مظبوطة
لو قلنا ان الأول معقول , هنلاقى التاني مش مظبوط
ممكن نخليه مثلا :
جهاد النفس وصية ابائي واجدادي .. رسول الله والشافعي والبوصيري
فإن اشتهيت شيئا جعلته كالأعادي ... وإن غضبت فالقلب من الأحقاد عاري
تعبان برضه
بس افضل شوي اعتقد :(
والرسمة دى معمولة على الجهاز ببرنامج الرسام
بالماوس عادي
فتلاقى الإنسيابية مش موجودة فيه بالدرجة
اهه الواحد بيحاول :)
تحياتى ليكي
Closed Eyes
-----------
عليه افضل الصلة واتم السلام وعلى آله وصحبه أجمعين
منور والله يا محمود
دا شرف ليا والله العظيم انك تعلق عندي
وربنا مش يحرمني من الشرف دة :))
انا طبعا مجيش حاجة بالنسبالك
الله يكرمك على الكلام الجميل دة
دا بس من ذوقك
وإن شاء الله اشوفك على خير
صاصا
-----
الله يكرمك على المجاملة الجميلة دي
واشوفك قريبا إن شاء الله
ويارب تكون كويس وفى خير حال
تحياتى ليك يا صاصا
فداء الإسلام
-----------
مممممممم
انا قلت برضه المشكلة الوحيدة إللى هتكون فى الموضوع دة ان انتى مش بتحبي الشعر اصلا !!
بس قلت اهه تستحمل بقى
هو انا بكتب شعر كل يوم :D
انتى نورتى الموضوع بتعليقك ويارب مش تحرمينا منه
وإن شاء الله الموضوع الجاي ياستى علشان خاطرك مش هيبقى شعر
بس لو ما جيتيش تعلقي .... هزعل قوي
لحد ما تيجي وتعلقي :))
رحلت عنا وجاء غيرك قائدا ... واقتحم نسيانك البلاد ولم يأت داري
لو كل راحل تذكر الناس عيوبه ... بقيت الفضائل لك فى ذكرياتي
مؤثره اوي يا سليم
لمستني جدااااااا
تعايشتها اووووووي
الباقي كله تحغه
بس دي لمستني اوووووي
تسلم
وبطل تقول علي نفسك
مبتعرفش تعبر
يا شاعر
كمان بترسم
لا كدا كتير بقي
:)
تحياتي
رؤية
ما شاء الله جميل
خصوصا العتاب عجبنى اوى
حضرتك بتكتب كويس
انت بس مش تدور على الحاجة اللى تكتب فيها
مرة واحدة كده هتلاقي الكلام بيطلع منك والله
ربنا يوفقك
اه كمان الصور جميلة اوى عجبتنى :)
السلام عليكم ورحمه الله وبركاته
كل عام وانت اللى الله اقرب وعن المعصيه ابعد ان شاء الله
كل عام وانتم با الف خير
شاعر وعرفناها .. وماشاء الله كل مرة بتكتب فيها شعر بتثبت انك شاعر فعلا
لكن فنان دي .. جديدة .. بس بجد فنان
:D
ربنا يكرمك ويوفقك .. وتحياتي لك
بص يا سليم انا مش هقولك رأيي انا
انا هقولك رأي الشاعر عماد حسن في تعليقه علي قصيدة الغزل اللي انت كاتبها واللي مش عارف الشاعر عماد حسن ( ده مؤلف اغاني كبير اوي لهاني شاكر واصاله وسميرة سعيد وايمان البحر درويش الخ الخ عامل اغنيه غطلة ندمان عليها وانا ليك مشتاقه وعلمتيني احب الدنيا وهكذا يعني)
بص عجبوا كلامك جدا جدا وقالي بالحرف الواحد اللي يعرف يكتب الكلام ده يعرف يقول كلام غزل بس هو نقطه خلافه معاك انه شايف ان من حق المحبوبه انها تسمع كلام حلو ولو الواحد مش عارف يبقي لازم يتعلم طبعا هو مش قصده عمال علي بطال بس هو شايف ان التعبير عن الحب بابسط الكلمات من اهم الامور
والصراحه كل زمايلي في الشغل تناقشوا معانا في قصيدتك الجميلة وخدوها كمان
بجد نالت اعجاب الجميع
انا مش عارفه انت ازاي لسه محطتش بقيت اللي كتبته لازم تكتبه يا أمير شعراء النت
السلام عليكم ورحمة الله وبركاتة
كل عام وانت بخير
غفر الله لنا ولك فى رمضان
و ثبتنا على الخير بعد رمضان
كل رمضان وحضرتك بخير وربنا يكرمك ويوفقك يااااارب آمـــــــين
ويبغلك رمضان ياااارب آمـــــين
سالي
---
الله يكرمك على كلامك دة
دا بس من ذوقك والله
ابياتالرثاء اعتقد انتى معرفتيش هي رثاء فى مين ... ولا انا هقولك هنا كمان :)
هقولك بعدين إن شاء الله
وهحاول اعمل بنصيحتك ومقلش على نفسي كدة تانى :)
شكرا لتشجيعك :)
نورتى البوست يا سالى كالعادة :)))
تحياتى ليكي
سمسمة
----
ااهلا اهلا اهلا
زيارتك دي غالية جدا عندي
وشرف ليا اني اسمع الإطراء دة من شاعرة رائعة زيك
ربنا يكرمك ويخليكي
ويارب زيارتك تدوم إن شاء الله :)
واسف للتأخير فى الرد جدا
تحياتى ليكي :)
رينا
-----
كل سنة وانتى بالصحة والسلامة
وربنا يتقبل منك ولكي مثل دعائك إن شاء الله
نور
---
الله يكرمك يا فندم
بتحرجينى بذوقك والله
كل سنة وانتى طيبة وإلى الله اقرب
وربنا يتقبل منك كل الطاعات فى هذا الشهر المبارك إن شاء الله
تحياتى ليكي
نسرين
----
مش عارف اقولك إيه انتى بالذات
حاجة مش غريبة عليكي انك تحطينى ف الوضع دة :)
بقى كلامي انا يوصل للشاعر عماد حسن بنفسه !!
دا اصلا انتى كلامك كفاية
بجد مش عارف اشكرك ازاى
شكرا كمان انكوا اديتوا القصيدة من وقتكوا للمناقشة
هو بغض النظر انا بعرف اقول غزل ولا لأ
مش لازم تكون دي هي حالتى
لكنها حالة موجودة فى الواقع وانا بحترمها جدا وبحب ابينها للناس
ولكن انا مع الأستاذ عماد طبعا فى كلامه ان الكلام دة ضروري طبعا ومن حق كل طرف انه يسمعه من التانى :)
-------
هو انا مكنتش ناوي اكمل بقية الكام بيت اللى فاضلين لأني كتبتهم علشان انتى طلبتيهم مني بس
ومش قدر اقولك لأ
فدي اعتبريها هدية مني ليكي
بس :)
وشكرا مرة تانية لكلامك إللى فرحني جدا دة :)
ياسر
-----
كل سنة وانت بالصحة والسلامة
وربنا يتقبل منك ولك مثل دعائك إن شاء الله
تحياتى ليك
اماني
----
كل سنة وانتى بالصحة والسلامة
وربنا يتقبل منك ولكي مثل دعائك إن شاء الله
طيب انا بس جايه أسلم وأقول كل سنه وانت طيب ربنايتقبل منا جميعا يارب:)
فين ياعم الجديد
خير الكلام ما قل و دل
بجد الفكرة بتاعة المنوعات دى جميلو و بيوتها لذيذة
ده غير الموسيقى اللى شغالة بيتهيألى ده عمر خيرت
الأبيات رائعه بجد
ما شاء الله
يعني ده ع السريع كده
أمال لو ركزت
ربنا يوفقك
تحياتي
أبيات رائعه تبارك الله كلمات قويه أتمنى الاستمرار وفي انتظار المزيد وفعلا لما ده بالعافيه وعلى السريع أمال لو كتبت بنفس وتركيز هيحصل إيه
يا ليت بقى تكملهم
أتمنى لك التوفيق ومنتظرين البقيه
السلام عليكم
طبعا مش هقدر اقول اكتر من اللي إتقال بس انت فعلا شاعر حقيقي وفنان
والابيات كلها كلماتها رائعة واحساسها عالي
مش عارف اقولك إيه
بس انا كلامك دة يشرفنى ويسعدني
وبجد سعيد بيه جدا
والله انتى تستاهلي قصيدة
بدون هزار ولا مجاملة
مممممم
الحمد لله
Post a Comment