عايز اوعدك...

عايز اوعدك

اصلك انتي

مهما روحتي ومهما غيبتي

قلبي ما يقدر يبعدك

نفسي اوعدك

اني ما كون لحد غير ليكي

واني افكر بس فيكي

واني لو في يوم حلمت...

ميكونش حلمي إلا بيكي

عايز اوعدك

ويبقاش قدامي غير وعدي

دين ويوم ما اوفيه يكون سعدي

ولو اموت روحي تتمه من بعدي

عايز اوعدك

عايز وعدك يقيدني

اكون حر جواه ...

وانا جواه بيحبسني

وعدي يكون انه يملكني

ويأسرني

ويسحرني

ولو عايز يطمني ؟

براحة باله يوعدني...

قمري

قمري لو تشوفه اي شمس تغير
اعيشله طول عمري وامشيله بالمشاوير
ومستحيل انساه ولو غاب عني كتير
ما اصله ساكن في قلبي وشاغلني بالتفكير
دا في لحظة لو جه في بالي اشم ريحة عبير
وألقاه قصادي في السما بدون تأخير

قمري لو تشوفه اى شمس تغير

حواليه النجوم في الليل معاه واقفين
ومين يبصلهم ويسيب القمر ..مساكين
وهو من رقته بيسيبهم يعيشوا يومين
ويستحي يظهر كل يوم للعين
لكنه عارف انه لما يعود هيلقانا منتظرين
وازاى يطل علينا القمر وزيه مفيش اتنين
واحنا إللى بنستناه ونتمناه نكون ناسيين
!!!!

قمري لو تشوفه اى شمس تغير

قمري في السما عالي وأزاى تطوله الإيد
وغصب عني وعنه انه عني بعيد
مقدرش أسلم عليه ولا ابعتله كلمة في بريد
بحلم ابدأ معاه حياه وعمر جديد
ولا شئ يمنعني عنه ولو قيود من حديد
وكله بأمر الله ..عمري ما كنت عنيد
لكن عليا العمل وربي عليه التسديد

روحي فيها ...

نثرت بها من كلماتي
وطرحت جوانب من افكاري
فأعجبت احبابي
واعجزت الكثير من اعدائي

قد تجد من حاربني ...
ولكن لابد ان تجد من افرط في ثنائي

قد تقرأ لمن خالفني...
غير انك ستمل كثرة من وافقني في كتاباتي
-----
إلا انني لم أرى لي أثراً إلا في خيالاتي
او في ظنوني ... وأوهامي

تمر حروفي امام الجفون مرور الكرام
وليس للعقول نصيب من خُطا اقلامي...


ففضلت ان ادخر كلمات آثارها عدمُ
لقلبي ونفسي اسمو بهم للمعالي

اما من يكتب ليسمعوه معسول الكلامِ
فإن انا نظرت إليه فلا به ابالي

وما بقي إلا ان اعطر ذاك الكلام
بالسلام على قلة قد رأوا بقلبهم آمالي

وتدويناتي

وبس